Geir var framsýnni en Samfylkingin.

Geir lagði fram þær tillögur að koma með frumvarp um breytingar á seðlabankanum og FME, sem að mér skilst hefði þýtt að hægt sé að breyta yfirstjórn samhliða án þess að borga þá út eða áminna.

Mér sýnist Samfylkingin hafi hlaupið á sig þarna. Hvað stendur þá eftir, forsætisráðherrastóllinn ?

Ég tel að samfylkingin hafi farið á taugum og flosnað í sundur eftir síðustu skoðanakönnun þar sem þeir komu afar illa út, höfðu ekki kjark né dug til að standa í lappirnar til að klára málin af skynsemi.

Þannig að nú var hlaupið til með öllum þeim kostnaði sem fylgir stjórnarskiptum og skiptum í seðlabanka. Hvað ætli við séum að tala um mikinn kostnað, 200 - 300 - 400 eða jafnvel 500 milljónir þegar allt er talið ?

Enginn málefnaágreiningur var á milli flokkanna, einungis spurning um vinsældir í skoðanakönnunum.

Davíð undir væng Ögmundar

Athugasemdir

[Villi Asgeirsson, 28.1.2009 kl. 15:35]

Þetta er ekki alveg rétt, þótt korn felist einhversstaðar. Annars var það Davíð sjálfur sem gerði það svona erfitt að reka seðlabankastjóra, samkvæmt upplýsingum á öðru bloggi.

[Dögg Pálsdóttir, 28.1.2009 kl. 15:36]

Sammála. Samfylkingin fór á taugum þegar þeir sáu síðustu skoðanakönnun. Ekki fór Sjálfstæðisflokkurinn á taugum þó skoðanakannanir væru flokknum mjög óhagstæðar. Svo talar Samfylkingin um að Sjálfstæðisflokkurinn láti flokkshagsmuni ráða.

[Carl Jóhann Granz, 28.1.2009 kl. 15:38]

Villi: Mitt aðalatriði í þessu var það að Geir hafði lagt til réttu leiðina en Samfylkingin vildi bíða. Síðan reyna þeir að nota það sem ástæðu fyrir stjórnarslitum.

[Villi Asgeirsson, 28.1.2009 kl. 15:52]

Getur verið. Alla vega eru sögur um að einhver hafi viljað gera eitthvað fyrir jól, en auðvitað var ekki sagt neitt um það á sínum tíma. Hver það var sem frestaði þessu, er ég ekki viss um. Veit bara að ISG virtist ekki treysta neinum nema sjálfri sér, svo kannski var það hún. Samfó snýst með vindinum eins og bronshæna á evrópskri kirkju og það er ekki spurning að hún er að reyna að afstýra stórslysi í næstu kosningum.

[Carl Jóhann Granz, 28.1.2009 kl. 15:59]

Já hún er að reyna það, spurningin nú er hvort að fólk láti platast.