Gamla R-lista ruglið

Meira ruglið, Reykvíkingar skulu borga meira og meira. Ekki nóg með að ríkisstjórnin skattleggi allt í topp heldur skal Samfylkingin í Reykjavík toppa það. Hvar liggja þolmörkin?

Ekki nóg með það heldur skal reyna að klína sökinni á þessu á Sjálfstæðisflokkinn þrátt fyrir að hafa ekki tekið þessar ákvarðanir heldur var það á tímum R-listans sem þessi verkefni voru ákveðin. Sjálfstæðisflokkurinn hafði þó vit á að reyna að draga úr skaðanum eftir að þeir tóku við.

Sérstaklega ætti að horfa til hagræðinga og kannski jafnvel sölu óhagkvæmra eininga út úr Orkuveitunni í stað öfgakenndra gjaldskrárhækkana.

Forstjórinn var að vinna að því, ætli það sé ástæðan fyrir því að hann var látinn fjúka? Hentar þeim ekki, of flókið að skera niður. Sama vandamál og menn eiga við í landsmálum.
Borga meira ekki eyða minna eins og eðlilegra væri.

Tveggja stafa hækkun

Athugasemdir

[Ólafur Ingi Hrólfsson, 23.8.2010 kl. 20:45]

Orkuveitan skuldar 240 milljarða króna. Langstærstur hluti þeirra skulda er til kominn vegna fjárfestinga fyrirtækisins í virkjunum og veitum, sem ákvarðanir voru teknar um á síðasta kjörtímabili R-listans 2002-2006.

 

Þegar Sjálfstæðisflokkurinn komst í meirihluta árið 2006 hafði fráfarandi meirihluti R-listans mótað stefnu um gífurlegar virkjanaframkvæmdir á Hellisheiði, gert bindandi orkusölusamninga og hafið byggingu Hellisheiðarvirkjunar. Ekki var annað að gera en klára virkjunina og standa við skuldbindingarnar. Stærstur hluti lánanna var því tekinn á síðasta kjörtímabili en ákvarðanir voru að mestu leyti teknar á valdatíma R-listans og undir borgarstjórum Samfylkingarinnar.

 

Á árunum 2001-06 áttu sér stað mikil uppkaup OR á veitum og dreifikerfi á Suðurlandi og Vesturlandi. Lítil arðsemi hefur verið af þessum veitum og sumar beinlínis reknar með tapi.

 

Bág staða OR skrifast því á R-listann - (Samfylkinguna ) sem hvergi segist hafa komið að málum.