Nú erum við að tala saman.

Nú sjáum við loks skynsamlegar efnahags-tillögur út úr þeim vanda sem við erum í þessi misserin.

Bið ég menn að lesa vel tillögurnar og mynda sér sína eigin skynsamlegu skoðun og ekki fara út í ruglið með að það skipti máli hver kemur fram með þær.

Í stórum dráttum þá er um að ræða að auka niðurskurðinn/hagræða smávægilega miðað við fyrri hugmyndir þar. Síðan stærsta einstaka atriðið sem hefur áður komið fram með að skattleggja inngreiðslur í lífeyrissjóði, nokkrar leiðir mögulegar þar er sagt. Bara spurning um að þingið komi sér saman um réttu leiðina. Getur alveg verið tímabundið.
Að lokum er málið að efla hér atvinnulífið á ný og fara að vinna með en ekki gegn því. Því fyrr sem það kemst af stað því fyrr byrjar það að skila auknum tekjum inn á ný og minna út í bætur.

Ef Alþingi ber gæfa til að vinna með þessar tillögur ásamt öðru góðu sem kemur fram þá þýðir þetta að óþarfi er að skattleggja í botn alla neyslu og laun landans næstu árin til að koma okkur í gegnum þetta tímabil.

Svigrúm til að lækka ríkisútgjöld verulega

Athugasemdir

[Örvar Már Marteinsson, 14.10.2009 kl. 21:46]

Sammála.

[Baldur Hermannsson, 15.10.2009 kl. 00:10]

Þarna talar fólk sem ber skynbragð á hlutina. En verður hlustað á þá?