Formlega beiðni strax

Þetta má greinilega engan tíma missa til að hægt sé mögulega að taka á þessum Icesave málum af almennilegri hörku og þá segja AGS að koma sér í burtu sem yrði mikil hneisa fyrir þá eftir þeirra innheimtuaðferðir fyrir Breta og hollendinga.

Lykilatriðið hér og í þessari frétt sem reynir að gera lítið úr þessu máli er nákvæmlega þetta "stjórnvöld á Íslandi hafi ekki farið fram á það"

Þangað til formlega er farið þess á leit við gamla vini okkar Norðmenn þá er ekki hægt að halda einu né neinu fram um hvort þetta sé raunhæft eður ei.

Kæru ráðherrar og þingmenn, farið nú allir sem einn að standa saman í lappirnar gagnvart þessum ógnum og ósanngirni sem við erum beitt. Þegar þið gerið það þá mun meirihluti þjóðar standa með ykkur og jafnvel sætta sig við aðeins verri lífskjör tímabundið á meðan við komumst í gegnum þann ólgusjó, SAMEINUÐ!

Með umboð formanns Miðflokksins

Athugasemdir

[Guðrún Helgadóttir, 2.10.2009 kl. 17:56]

Ertu búinn að gleyma svörunum sem Steingrímur J. fékk þegar hann var að kanna þetta fyrr á árinu? Félagi hans og skoðanasystir Kristín Halvorssen sagði bara blátt nei - fyrst kláriði Icesavedæmið. Það er með ólíkindum að framsókn skuli reyna svona lýðskrum enda hefur þetta verið slegið útaf borðinu af hverjum norskum stjórnmálamanninum af öðrum. Þannig er staðan bara því miður og við verðum að hafa kjark til að horfast í augu við það og hætta að leita að einhverjum kanínum í hatti galdramannsins.

[Carl Jóhann Granz, 2.10.2009 kl. 18:02]

Lestu fréttina og bloggið mitt aftur. Lykilatriðið er að engin "formleg" beiðni hefur borist frá okkur.

Þangað til það er gert og formleg viðbrögð þeirra þings ekki einstakra þingmanna eða ráðherra eru komin þá getum við ekki verið að hreyta einu né neinu í einn né neinn þar sem við vitum ekki hvernig það mál mun þróast.

Ég efast þó um að þetta gangi en lágmarkið er að senda formlega beiðni.

[Óskar (IP-tala skráð) 2.10.2009 kl. 18:13]

Carl þú ert að láta þessa framsóknarrugludalla rugla þig í ríminu.  Norðmenn eru FYRIR LÖNGU BÚNIR AÐ SVARA ÞESSU OG EINHVER FORMLEG BEIÐNI Á ÞESSU STIGI MÁLSINS VÆRI BARA AÐHLÁTURSEFNI.  Þeir sem öllu ráða í ríkisstjórn Noregs SEGJA AÐ SLÍKT LÁN KOMI EKKI TIL GREINA ÁN TENGINGAR VIÐ AGS! 

Norðmenn sem og aðrir vita ósköp vel að við viljum ekki tengja lán við AGS.  Aðeins Færeyingar og Pólverjar hafa lánað okkur án þessara skilmála OG ÞEIR BÁÐU ALDREI UM NEINA FOKKING FORMLEGA BEIÐNI!  ÞESSIR TVEIR FRAMSÓKNARSTRUMPAR ERU BRANDARAR OG ÓTRÚLEGT AÐ EINHVER SKULI TRÚA ÞESSUM BJÁLFUM.

[Carl Jóhann Granz, 2.10.2009 kl. 18:19]

Mér finnst það bara engu skipta hver benti á þennan möguleika. En möguleikinn er samt sem áður fyrir hendi þó lítill sé.

Að segja málið vonlaust án þess að reyna til hins ýtrasta væri fáránlegt og láta það skipta máli hverjir komu með þetta er enn fáránlegra.

Síðan eins og ég benti á í fyrri pósti þá er þetta mál bara ekki ákveðið af einstaka ráðherrum heldur fjárlaganefnd og svo meirihluta þings þar og ef reynt er á það þá er bara ágætis möguleiki á þessu, sérstakleg þar sem málflutningur okkar gagnvart Icesave erlendis hefur batnað okkur í hag eftir sumarið.

[Ingimundur Bergmann, 3.10.2009 kl. 02:50]

Æi, óskup hlýtur að vera erfitt að vera framsóknarmaður! Raunveruleikinn er rétt handan við hornið en samt eitthvað svo erfitt að ná taki á honum.

[Carl Jóhann Granz, 3.10.2009 kl. 08:40]

Ætli maður þyrfti þá ekki að verða framsóknarmaður fyrst.
Þrátt fyrir það og þennan sannleika sem þú talar um þá er sannleikurinn sá að ekki hefur enn verið send nein formleg beiðni út.

Spurning hvort ég ætti ekki að staðhæfa á móti: Æi, ósköp hlýtur að vera erfitt að vera vinstri esb-sinni sem má ekki heyra neinar góðar hugmyndir sem gætu mögulega gert ESB afhuga okkur á einhvern hátt.